от имени

Лучо лӱмем дене ойло. Ю. Артамонов. Лучше говори по имени.

Революций лӱм дене тый, йолташ, эрыкан улат. С. Чавайн. Именем революции ты, товарищ, свободен.

Мый тендан лӱм дене Роза Кошпаевам выступатлаш йодам. М. Рыбаков. От вашего имени я прошу выступить Розу Кошпаеву.

Ленин лӱм дене с именем Ленина.

Идиоматическое выражение. Основное слово:

Тыйын лӱмеш в честь тебя;

пайрем лӱмеш в честь праздника;

толмеш лӱмеш в честь твоего приезда;

палыме лийме лӱмеш в честь знакомства.

Шукыштын кидыштышт – Чавайн лӱмеш лукмо газет. А. Эрыкан. В руках у многих – газета, выпущенная в честь Чавайна.

Эргыштым кочаже лӱмеш Павлик манын лӱмденыт. В. Сапаев. Своего сына они назвали в честь деда Павликом.

Илыш лӱмеш во имя жизни;

келшымаш лӱмеш во имя дружбы.

А мый улам лач ик чӱчалтыш. Но Эл лӱмеш йӱлем, илем. А. Селин. А я всего лишь капелька в мире. Но горю, живу во имя Страны.

Вет таче ача огеш кае сӧй корныш – лектеш эр эрдене пашаш тыныс лӱмеш. Г. Гадиатов. Ведь сегодня отец уходит не на войну – во имя мира ранним утром он идёт на работу.

Ректор лӱмеш на имя ректора;

тыйын лӱмеш на твоё имя.

Лучо проректор лӱмеш йодмашым колтем. П. Корнилов. Лучше напишу заявление на имя проректора.

(Серышым) мылам возен, но тыйын лӱмешет колтен. В. Иванов. Письмо он написал мне, но отправил на твоё имя.

Тудо ик спектакль лӱмеш гына огыл, ӱдыр тӱшкам мурашат ятыр гана погыш. М. Шкетан. Он собирал (людей) не только по поводу спектакля, много раз собирал он девушек и на хор.

Васильев лӱмеш институт институт имени Васильева;

Шкетан лӱмеш театр театр имени Шкетана.

Тиде корем тайылыште апшаткудо, умбалнырак Палантай лӱмеш колхозын правленийже коеш. С. Вишневский. На склоне этого оврага виднеется кузница, чуть дальше – правление колхоза имени Палантая.

Нуно тӱҥ шотышто ачаже лӱмеш налме пенсий дене иленыт. А. Асаев. Они жили в основном на пенсию, получаемую за отца.

Окса лӱмеш тынар толашыман мо? Надо ли мучиться столько из-за денег.

Эргым лӱмеш изи оксам пуат. За сына дают немного денег.

Эх, каче огыл гын, кеч ватыголышо марий лӱмешем лектеш гынат, выче-выче веле илалтен колтена ыле. М. Рыбаков. Эх, если не парень, так хоть вдовец нашёлся бы на мою долю, жили бы ласкаясь.

Тиде тувырым тыйын лӱмешетак налынам. Эту рубашку купил специально для тебя.

Лӱман ял деревня, имеющая название;

Йыван лӱман по имени Йыван.

Ожно илен ик кува, тудын улмаш Кокша лӱман эргыже. Т. Евсевьев. Раньше жила одна баба, у неё был сын по имени Кокша.

Ынде «Эреҥер» лӱман кугу повестьым возем. М. Шкетан. Теперь пишу большую повесть под названием «Эренгер».

Ынде кок ий лиеш, Ямет лӱман еҥлан шога. Д. Орай. Вот уже два года, как Ямет является человеком, имеющим чин.

А тушто эртак кугу лӱман офицер-влак шинчат. А. Ягельдин. А там сидят одни офицеры с высокими званиями.

Лӱман учёный известный учёный; учёный с именем.

Изиш лӱман еҥ лийылдалытат, алал ешыштым, йӧратыме шочшыштым, ача-аваштым кудалтат. Д. Орай. Чуточку становятся известными и бросают милую семью, любимых детей, родителей.

Лӱман мландышт шагал, ваш мартен пукшен огыл. Я. Элексейн. Надельной земли было мало, не хватало прокормиться.

Лӱман аҥа иземмылан кӧра вес шошо кыдалнак кочшаш кинде пытыш. Т. Батырбаев. Из-за того, что уменьшились надельные поля, хлеба хватило только до середины следующей весны.

Лӱман составной сказуемыйын лӱман ужашыже подлежащийын кӧ, мо але могай улмыжым ончыкта. «Мар. йылме» Именная часть именного составного сказуемого показывает кем, чем или каким является подлежащее.

Лӱман коваште кожа с болячками;

кидше лӱман руки у него в гнойничках.

Лӱман чия краска с клеем;

лӱман конверт конверт с клеем.

Тиде кагаз лӱман. Эта бумага с клеем.

(Тачана) «Новая жизнь», Ворошилов лӱмеш, Маленков лӱмеш, Киров лӱмеш да моло колхозлаште пырчым эрыктен кошто. Н. Лекайн. Тачана очищала зерно в колхозах «Новая жизнь», имени Ворошилова, имени Маленкова, имени Кирова и других.

Составной глагол. Основное слово:

Молан тыге лӱмдымым Кождемыр але ок шинче. К. Васин. Почему так назвали (нарекли), Кождемыр ещё не знает.

Лӱмдымӧ кӱкшака безымянная высота;

лӱмдымӧ аза ребёнок без имени;

лӱмдымӧ серыш анонимное письмо.

Лӱмдымӧ салтакын шӱгарже ӱмбалан поро еҥ-влак обелискым шогалтеныт. В. Косоротов. На могиле безымянного солдата добрые люди поставили обелиск.

А лӱмдымӧ эҥер сер валне шогат шып Ялче ден Эвраш. С. Вишневский. А на берегу безымянной речки молча стоят Ялче и Эвраш.

Ынде Ганя лӱмдымӧ, оксадыме Ямет дене мом ышта. Д. Орай. Зачем теперь Гане Ямет, без чина, без денег.

Мый але лӱмдымӧ улам. Я пока ещё без званий.

Авызым ышташ отведать;

авызым налаш отведать, попробовать.

Ай, Илья родем, шукертсек палымем, авызым ыштынем – мый тыйым пагалем. Н. Лекайн. Ай, друг Илья, давний мой знакомый, хочу отведать – я тебя уважаю.

Керемет отеш кум ийлан ик гана кок авыз калык лӱм дене лектын кумалын. Раз в три года в кереметьевскую рощу от имени народа выходили молиться два жреца.

Теве Нӱктӧ ялыште Качырий лӱман ик вате уло, тудо чынак алдермыж. М. Шкетан. Вот в деревне Нюхта есть женщина по имени Качырий, так она настоящая ведьма.

Ачалӱмет дене огыт лӱмдӧ але. А. Селин. По отчеству ещё не называют тебя.

Тывел марий-влак кеч-кӧмат лӱм да ачалӱм дене огыт ойло. Б. Данилов. Марийцы этой стороны никого не называют по имени и отчеству.

Кумда насун покшелныже шоҥго кожет вожлана. «У вий» Посреди широкого поля укореняется старая ель.

Мемнан дене «кажне – чыла еҥ верч, чылан – кажне еҥ верч» манме коммунистический мораль келгын вожланен. А. Асаев. У нас глубоко укоренилась коммунистическая мораль «один – за всех, все – за одного».

Шочмо калыкын сылне семжым йӧратымаш Какшамариеш вожланен. «Мар. ком.» Любовь к мелодии родного народа вкоренилась в Кокшамарах.

Кумдан шарлыше Васли лӱм деч витле тӱрлӧ фамилий вожланен. «Мар. ком.» От широко распространённого имени Василий ответвилось пятьдесят разных фамилий.

– Марпа, эргынан лӱмжӧ уке вет, могайым возыктена? Б. Данилов. – Марпа, ведь у нашего сына имени нет, какое запишем?

Вес ик лӱмашым (мландым) мыланем возыктена. Я. Элексейн. Другой надел земли на одну душу запишем на меня.

Ава суртшым эргыжлан возыктен, оксажым – ӱдыржылан. Мать своё хозяйство записала на сына, деньги – на дочь.

Павел Степанович ӱдыржым проходноеш шогалтен кодышат, бухгалтерийыш кайыш, накладнойым возыктыш. Ю. Артамонов. Павел Степанович, оставив свою дочь в проходной, пошёл в бухгалтерию, выписал накладную.

Идиоматические выражения:

– Мӧҥгеш кае, тендан гае вуянчык-влаклан тыште нимом ышташ. К. Васин. – Иди обратно, таким бунтовщикам, как вы, тут делать нечего.

(Оксина:) Ожно лач тыгаяк Сардай лӱман ик вуянчык марий ялыштына ыле. М. Шкетан. (Оксина:) Раньше и в нашей деревне был такой же буйный мужик по имени Сардай.

Йолташ дене пырля вместе с товарищем.

Каныме пӧртыштӧ мемнан дене пырля Ленинград гыч толшо футболист-влак ыльыч. М. Казаков. В доме отдыха вместе с нами были футболисты из Ленинграда.

Тул дене ит мод – лӱдыкшӧ. Калыкмут. Не играй с огнём – опасно.

Товар дене руаш рубить топором;

карандаш дене возаш писать карандашом.

Шорвондо дене вуйым огыт шер. Калыкмут. Граблями не причёсываются.

Миклай йӱштӧ вӱд дене могыржым йыгкала. Г. Чемеков. Миклай обтирается холодной водой.

Кермыч дене ыштыме сделан из кирпича;

муш дене пунымо свитый из пеньки;

писте дене ышташ сделать из липы.

Оҥа дене кӱвар гай ыштыме. С. Чавайн. Из досок сделано вроде мостика.

Омо дене во сне;

пӧрт дене у дома.

Таве дене Орина ден Зоя улыт. А. Волков. У колодца Орина и Зоя.

Такыртыме корно дене каяш куштылго. Калыкмут. По проторенной дороге идти легко.

Ий дене годами;

арня дене неделями.

Чынак, тыгай пеледышым кӱрлын налат, ятыр жап ок лывыжге, арня дене вӱдыштӧ шинчыкташ лиеш. Ю. Артамонов. Действительно, сорвёшь такой цветок, долгое время не вянет, неделями можно держать в воде.

Самырык агрономна кече лекме дене тӧрак кынеле. Й. Ялмарий. Наш молодой агроном встал с восходом солнца.

Шадринмыт адакат ик йӱд маленыт, а у кече дене землеустроитель дек уэш толын пуреныт. Н. Лекайн. Шадрин с товарищами опять одну ночь ночевали, а на следующий день снова зашли к землеустроителю.

Икте коло ий дене ик олмышто пашам ышта, весе кок тылзымат ок шукто, куржеш. Ю. Артамонов. Один по двадцать лет на одном месте работает, другой и двух месяцев не дотянет, сбежит.

Шыде дене от злости;

лӱдмӧ дене с испуга;

ойго дене с горя;

камвочмо дене из-за падения.

А Яльчик ер гай-влакышт мланде порволымо дене лийыныт. М.-Азмекей. А такие озёра, как Яльчик, образовались из-за провала земли.

Артиллерий залп дене мланде чытырнен. С. Вишневский. От артиллерийских залпов вздрагивала земля.

Нер дене ойлаш говорить в нос;

революций лӱм дене именем революции;

списке дене лудаш читать по списку;

йӱк дене шорташ плакать голосом.

Кок смена дене пашам ышташ тӱҥалына. В. Иванов. Начнём работать в две смены.

Тендан полшымыда дене ме ик сомылым ыштынена. В. Юксерн. С вашей помощью мы хотим сделать одно дело.

Ӱдырамаш тудым первый гана, пагален, лӱмжӧ дене пелештыш. П. Корнилов. Женщина в первый раз с уважением назвала его по имени.

Покшелне рад дене кевыт-влак шинчат. Н. Лекайн. Посредине рядами стоят магазины.

Тупшо дене нушкеш. А. Эрыкан. Ползёт на спине.

Шовыр дене пашам ышташ шокшо. В. Иванов. В шабуре работать жарко.

Ече дене на лыжах;

радио дене по радио;

ула дене на подводах;

футбол дене модаш играть в футбол.

Яклака ий ӱмбаке коньки дене мунчалташ кайыде кӧ чыта! В. Сапаев. Кто выдержит, чтобы не пойти на гладкий лёд кататься на коньках!

Кызыт тудо адрес денак тиде серымашым возыктем. М. Шкетан. Сейчас это письмо заставляю писать по тому же адресу.

Миллион дене миллионами;

тонн дене тоннами;

арня дене неделями.

Вет ик килограмм ру – тиде ешартыш лу пуд дене шыл, ведра дене шӧр, тӱжем дене муно. «Мар. ком.» Ведь один килограмм дрожжей – это дополнительно десятками пудов мяса, вёдрами молока, тысячами яиц.

Удаже ӧлтӧ дене, сайже чывыштыш дене. Калыкмут. Плохое охапками, хорошее щепотками.

Мераҥ-влак талукышто (шошо гыч шыже марте гына) визыт-кудыт дене кум гана игым ыштат. М.-Азмекей. Зайцы в год (с весны до осени только) три раза приносят по пять-шесть детёнышей.

Окса дене налаш купить за деньги;

окса дене тӱлаш платить деньгами;

шӧрым ужалыме дене налме парыш прибыль, полученная от продажи молока.

Эвай апшат пашаланат окса дене огыл, эре кинде дене наледен. М. Шкетан. Эвай даже за кузнечное дело брал не деньгами, а всегда брал хлебом.

Врач ӱдыр Сидыр Пагул вате огыл, тудым ик мужыр йыдал дене от нал! А. Волков. Девушка-врач не жена Сидыр Пагула, её за пару лаптей не купишь!

Проверка дене по проверке;

паша дене по делу.

Тудын нимогай ужалшаш сатужат уке. Но тудо вес паша дене, кугу паша дене кайынеже. Н. Лекайн. У него нет для продажи никакого товара. Но он по другому делу, по большому делу хочет ехать.

Сомыл дене толынам ыле да... Н. Лекайн. Я по делу пришёл было да...

Эҥер воктен гармонь йӱк дене кастен яжон мурат, лӱҥгат, чӱчкат, куштат. О. Ипай. У реки вечером под звуки гармони поют, приплясывают, танцуют.

Вера Семён Семёныч дене тӧрак йӱӧ. А. Асаев. Вера выпила наравне с Семёном Семёнычем.

Пушеҥге дене тӧр – ок кой. Тушто. Наравне с деревом – не видно.

Озымыш вочшо лум – терыс дене иктак. Калыкмут. Снег, легший на озимь, – словно навоз.

Дискотекым организоватлаш организовать дискотеку.

Дискотекыш кошташ посещать дискотеку.

Сеҥымашын XXX идалыкше лӱмеш культура дворец шуматкечын 19 шагатыште дискотекыште кас жапым пайдалын эртараш ӱжеш. «Мар. ком.» Дворец культуры имени XXX-летия Победы в субботу, в 19 часов, для полезного времяпровождения приглашает на дискотеку.

Историк-влак, шымлен кок ийым, кок лӱмым йыгыре возат. М. Емельянов. Историки, изучая двухлетний период, два имени пишут рядом.

(Всесоюзный радиош) мурызын лӱмжым, фамилийжым йодын колтенам ыле. М. Рыбаков. Я сделал запрос во Всесоюзное радио об имени, фамилии певца.

«А кушто тудым ужыч?» – Катя йодын колтыш. А. Ягельдин. «А где ты его видел?» – спросила вдруг Катя.

Составной глагол. Основное слово:

Южо еҥ шкеж нерген коллективыште мом ойлымым йодышт коштеш. Некоторые расспрашивают о том, что говорят о нём в коллективе.

Эрже-касше Ямперде лӱман ик кӱчызӧ йодышт коштеш. С. Чавайн. Утром и вечером ходит нищий по имени Ямперде, просит милостыню.

Идиоматическое выражение. Основное слово:

Мемнан ик йӱшыпий уло, Миконор лӱман. М. Шкетан. Есть у нас один пьяница, по имени Миконор.

Идиоматическое выражение. Основное слово: